Tað verður ikki Steven Gerrard sum tekur við starvinum sum pólskur landsliðsvenjari.
Royndi portugisiski venjarin, Fernando Santos, ið fekk sekkin sum landsliðsvenjari hjá Portugal aftaná 0-1 tapið fyri Marokko í HM-fjórðingsfinaluni verður tann, ið tekur við starvinum sum pólskur landsliðsvenjari.
Fyrsta uppgávan hjá Fernando Santos er at vinna Pólandi sætið í EM-endaspælinum í Týsklandi á sumri í 2024.
Fernando Santos verður tí at síggja á Tórsvølli 12. oktober, tá Føroyar og Póland spæla EM-undankappingardyst.
Fernando Santos var landsliðsvenjari hjá Portugal millum 2014 og 2022. Saman við Portugal vann Fernando Santos EM-gull í 2016, og Nations League í 2019.
