Hetta bleiv ein stór vika hjá Gunnari Vatnhamar, ikki so nógv tí hann legði upp til 1-0 sigursmálið tá B36 vitjaði Sarpugerði í fyrru hálvfinaluni í kappingini um løgmannssteypið í dag, men tí hann og unnustan fingu eina lítla dóttir í vikuni.

Víkingur helt B36 frá at skora á útivølli, og tí kann Víkingur tapa t.d. 1-2 og 2-3 á ovara vølli komandi sunnudag og vinna seg víðari við fleiri málum á útivølli.

Víkingur – B36 1-0 (0-0)

1-0: Martin Klein Joensen (71.)

Á ljóðfíluni omanfyri ber til at hoyra frá FM1:

1) Hoyr samrøðuna Árni Gregersen gjørdi við Gunnar Vatnhamar, ið hevur nógv at fegnast um.

2) Hoyr samrøðuna FM1 gjørdi við høvuðsvenjaran hjá B36, Dan Brimsvík sum var nøgdur við fyrra hálvleik, men B36 var trýst ov nógv aftur í seinna hálvleiki. Dan ásannar, at tað má arbeiðast hart hjá B36 fyri at vinna seg í finaluna.

Seinna hálvfinalan verður spæld komandi sunnudag klokkan 17.