info
Ongi úrslit

Oikos: Hava keypt lambsskinn í 20 ár

Aftur í heyst fer Oikos, sum er felag í Bø, at keypa lambsskinn til saltingar og útflutnings.

Vilmund Jacobsen
23. september 2022 kl. 19:29

Hvør árstíð hevur sítt, og tað hevur heystið so sanniliga eisini. Skjótt verða fjøllini gingin, og skurðurin skal takast. 
Við fjøllunum koma eisini lambsskinnini, men tað eru mong ár síðan, at ull var Føroya gull.
Tíðin stendur ikki í stað.
Á brennistøðunum biðja tey eftir, at onkur tekur sær av skinnunum, so tey ikki enda í brenningini.  
Allur innvølur av seyði, sum fer burtur, endar í brenningini, tí tað er ikki loyvt at tyrva. Tí hevði tað verið ein lætti - og eitt tak fyri umhvørvinum - um seyðaskinnini ikki eisini endaðu í brenningini.

Í Føroyum hava vit eina fyritøku, sum er góðkend til útflutning av seyðaskinnum, og tað er felagið Oikos í Bø, sum byrjaði at keypa seyðaskinn í smáum fyri stívliga 20 árum síðan.
Tað var Jógvan Nordendal, bóndi í Bø, sum her sá ein møguleika.
Lagt varð varisliga fyri, og fyrsta árið vórðu nøkur hundrað skinn keypt, saltað og útflutt. Sum árini gingu, vóru fleiri móttøkur skipaðar kring landið, og talið av seyðaskinnum gjørdist onkur ár rættiliga stórt – enntá fleiri enn 30.000.
Umframt at onkrar móttøkur aftur eru í heyst, hevur Oikos eisini støð á bryggjuni í Kollafirði, har lambsskinn verða saltað. Koyrt verður út eftir skinnum, har landafast er. 
Oikos eigur soleiðis sín stóra lut í, at ein munandi partur av seyðaskinnunum koma til høldar - og ikki enda í brenningini.

Myndin er ikki tøk

Men, tá tú hevur heilsufrøðiliga góðkenning til útflutning av eitt nú seyðaskinnum, noyðist tú eisini at fylgja reglum, sum eru galdandi. 
Krøv eru um djóralækna, sum skal sýna seyðin, meðan hann er livandi, og her er vanliga neyðugt við meira enn tí eina djóralæknanum, tí tað eru dagar, har fleiri hagar eru á fjalli í senn, og fjørður skilir oyggjarnar.   

Ymiskt er, hvat keyparar í útlandinum vilja hava. Hvít lambsskinn hava lítlan áhuga, og tey svørtu tað sama. Marknaðurin spyr heldur eftir teimum tvíllittu, gráu og morreyðu.
Tað, sum er ógvuliga umráðandi, um hugsingur skal vera um at lata skinn til saltingar, er, at skinnini – eftir fletting – verða væl avkøld við ullini vendari uppeftir, áðrenn tey verða løgd í rúgvu.
 

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Nøkur orð um skyldmannin Allan Enghamar

Í gjár kl. 17:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

Bara fýra atkvøður fyri at avmarka stutttíðarleigu

54 minuttir síðan
Tíðindi

Hernaðarligt flutningsflogfar dottið niður í Russlandi

1 tími síðan
Tíðindi

Meta at 90 milli­ard­ir verða hvít­vask­aðar ár­liga í Danmark

1 tími síðan
Tíðindi

26 grøn­lend­ing­ar krevja 3,25 milli­ónir frá danska statinum

2 tímar síðan
Tíðindi

Borgarafundur við Gjógv í morgin

3 tímar síðan
Tíðindi

Ákæruvaldið kært úrskurðin í Bakkafrostmálinum

3 tímar síðan
Tíðindi

Ráðstevna um rottutýning

3 tímar síðan
Tíðindi

Umboðsmaður: Vitlíki kann gera klagur tyngri at viðgera

3 tímar síðan
Tíðindi

Nú er økið mest sum liðugt

4 tímar síðan
Tíðindi

Trump er komin á Asean-toppfund í Manila

5 tímar síðan
Tíðindi

Myndir: Bókadagar í Norðurlandahúsinum

5 tímar síðan
Tíðindi

Stórar aldur stongdu bryggjur í Kalifornia

5 tímar síðan