Heðin byrjaði sum 17 ára gamal hjá Reyni Service í Hoyvík. Hann fór í læru 1. juli 1983 og hevur arbeitt har síðan.

Eftir at hava starvast sum lærlingur og síðani sum sveinur eina tíð, tók Heðin við sum verkstaðsleiðari.

Heðin er altíð fyrikomandi og dugir væl at taka sær av starvsfólkum eins og viðskiftafólkum. Hann leggur alla orku í at veita eina góða tænastu.

Hann hevur verið við í menningini av verkstaðnum øll hesi árini, eisini í sambandi við allar góðkenningarnar sum verkstaðurin hjá Reyni Service hevur fingið.

Í sambandi við móttøkuna fríggjadagin 1. september frá klokkan 15-17 verður bjóðað til ábit og undirhald, har øll eru vælkomin, verður sagt hjá Reyni Service.