B68 hevur í dag gjørt sáttmála við 22 ára gamla Villiam Emil Klein. Stóri og sterki áleyparin er uppvaksin í HB og hevur spælt við FC Hoyvík, næstabesta liðnum hjá B36 og seinast við Undrinum í næstbestu deildini.
- Sterki og bólttryggi áleyparin, Villiam Klein, hevur í dag undirskriva sáttmála viđ B68.
Villiam er uppvaksin í HB, men hevur eisini umbođa B36 og Undrið. Villiam hevur skotiđ 37 mál í 88 dystum í 1.deild, og heili 25 mál í 25 dystum í U21 deildini. Í 2020 skoraði Villiam hattrikk í Løgmanssteypinum móti grannunum av Skála, skrivar B68.
- Eg havi nú í tveir mánaðir vant við her á Svangaskarði. Eg føli at hetta er rætta staðið hjá mær at mennast. Umstøðurnar eru framúr og hópurin hevur tikið sera væl í móti mær, sigur Villiam Klein við heimasíðuna hjá B68.
Tilgongdin á Toftum telur Alex Mellemgaard, Ragnar Samuelsen, Jørgen Nielsen, Jonas Warner og nú Villiam Emil Klein. Av hesum hevur Jákup á Borg havt allar uttan Jørgen Nielsen í B36.
Frágongdin telur Hugin Samuelsen, Rói M. Hentze, Tonni Thomsen, Steffan A. Løkin og Andri Benjaminsen. B68 spældi í gjár venjingardyst móti HB, sum vann dystin 3-0.
