Klokkan 22.30 í gjárkvøldið hendi eitt ferðsluóhapp í Vágum, har ein persónbilur koyrdi á eini hús. Løgreglan vil í løtuni ikki upplýsa, hvar í Vágum hetta hendi.
- Tað vísti seg, at bilurin var stolin. Eftir at hava koyrt á húsini, koyrdi bilførarin einar 50 til 100 metrar burtur, setti bilin frá sær og slapp sær av staðnum.
Vaktleiðarin vil í løtuni ikki siga nógv meira um hetta mál, men sigur, at tey fara at venda aftur, tá nakrir leysir endar eru komnir upp á pláss í málinum.
- Bilurin fekk ikki serliga stóran skaða, og tað fingu árendu húsini heldur ikki. Nú arbeiða vit við at greiða málið, men enn hava vit ikki funnin persónin, sum koyrdi bilin, sigur vaktleiðarin.
