Hóskvøldið spældu Trygvi Hávardsson og liðfelagarnir í HK dyst á útivølli í bestu íslendsku hondbóltsdeildini.
Í Myntkaup høllini í Mosfellsbær tapti HK 26-30 fyri Afturelding. Í steðginum var støðan javnleikur 16-16.
Trygvi skoraði trý mál upp á átta málroyndir, og hann legði eisini upp til trý mál.
HK hevur fýra stig fyri seks dystir, og teir eru nummar níggju í deildini.
Í annaðkvøld klokkan 19.30 hevur Stjarnan, ið hevur Jóhannes Bjørgvin og Tóka Fríðriksson á liðnum dyst á heimavølli móti KA. Sama kvøld klokkan 20 spæla Allan Norðberg, Bjarni í Selvindi og liðfelagarnir í Vali dyst á útivølli móti Víkingi Reykjavík.
