Miðnám í Vestmanna skal nú hava nýggjan stjóra. Tað er greitt, eftir at stjórin hesin seinastu 30 árini, Jákup Andreasen, hevur gjørt av at siga seg úr starvi. Jákup Andreasen varð settur í starv sum stjóri á Føroya Yrkisskúla fyri Fiskiídnað og Havbúnað, sum skúlin tá nevndist, tann 1. februar í 1989. Í dag hevur skúlin eina gymnasiala tilfeingisbreyt og skipar harumframt fyri ferðaleiðaraskeiðum. Jákup Andreasen, skúlastjóri, hevur staðið á odda fyri skúlanum øll árini. Jákup Andreasen fer frá um ársskiftið og Uttanríkis- og mentamálaráðið fer at søkja eftir nýggjum stjóra sum skjótast.