Michael Bjørn Nielsen nýggjur høvuðsvenjari hjá Skála

Skála hevur í dag váttað tað, sum fleiri føroyskir miðlar hava skrivað í seinastuni, nevniliga at Michael Bjørn Nielsen nýggjur høvuðsvenjari hjá Skála

Skála hevur í dag váttað tað, sum fleiri føroyskir miðlar hava skrivað í seinastuni, nevniliga at Michael Bjørn Nielsen nýggjur høvuðsvenjari hjá Skála. Michael Bjørn Nielsen er 48 ára gamal. Hann hevur A-venjaraprógv og hevur verið venjari hjá B 1909 í Danmarksseriuni. Hann er settur í starv sum venjari í fullatíð. Hann byrjar í starvinum 1. feburar.

 

Michael Bjørn Nielsen tekur við eftir Sorin Anghel, sum var við til at tryggja Skála uppflyting í Betri deildina í fjør. Skála hevur fingið tilgongd av eitt nú Jákupi Jakobsen, Steinbjørn Olsen, Vukasin Tomic, Jákupi N. Olsen, Ara Ellingsgaard og Emil W. Joensen.

 

Skála skrivar:

 

Eins og summir miðlar hava gitt seinastu tíðina, so kunnu vit nú vátta, at tað verður danin Michael Bjørn Nielsen, ið verður nýggjur høvuðsvenjari hjá Skála ÍF komandi kappingarár.

 

Michael er 48 ára gamal, og kemur úr starvi sum høvuðsvenjari hjá B 1909, ið spælir í Danmarksseriuni. Hann hevur A-venjara prógv, og drúgvar royndir sum venjari.

 

Talan verður um fulltíðarstarv, og vit gleða okkum almikið til at taka ímóti honum. Í fyrstu atløgu kemur hann einsamallur, meðan kona og børn ivaleyst koma upp at vitja javnan. Ætlandi kemur Michael til Føroyar um mánaðarskifti, og tekur við starvinum 1. februar.