Í minsta lagi níggju herfólk lótu lív undir einari hernaðarvenjing í Kasakstan í dag.

Tað sigur verjumálaráðið í landinum.

Herfólkini vóru partur av einari deild, sum hevði venjingar fram við strondini við Kaspiska Havið.

- Knappliga broyttist veðrið, og í minsta lagi 19 herfólk endaðu í havinum.

Higartil eru níggju herfólk staðfest deyð, veit verjumálaráðið í Kasakstan at siga í dag.

Lagt verður aftrat, at neyðhjálpararbeiðið er í gongd í økinum.