Fiskasjúkan ILA varð herfyri staðfest í alibrúkinum hjá Salmar í Årnes í Noregi.

Årnes liggur í Namsos kommunu í fylkinum, Trøndelag.

Tað er norska Matvørueftirlitið, sum herfyri boðaði frá ILA-smittuni.

Hin 2. september í ár boðaði Salmar Matvørueftirlitinum frá illgrunanum um ILA í alibrúkinum.

Kyst.no veit at siga, at illgrunin bygdi á greiningarúrslit (PCR) og royndartøku av fiski í Årnes.

Matvørueftirlitið staðfesti ILA í alibrúkinum hin 17. september.

Hetta var eftir, at úrslitini hjá Djóralæknastovnurin vóru klár og vístu smittuna.