Hvussu kunnu Norðurlond hjálpa hvørjum øðrum betur, tá á stendur?

Hesin spurningur var á skránni, tá formansskapur Norðurlandaráðsins og leiðarar fyri verju- og uttanríkisnevndir hittust á Stórtinginum 22. september. Tað skrivar Norðurlandaráðið.

Á fundinum varð millum annað umrøtt, hvussu herfólk, útgerð og veitingar lættari kunnu flytast millum londini. Dentur varð eisini lagdur á, at hernaðarlig verja og sivil tilbúgving mugu virka saman.

Fleiri røðarar vístu á, at norðurlendska verjusamstarvið ongantíð hevur verið tættari. Londini samstarva eisini alsamt meira um ætlanir og venjingar innan Nato.

Forðingar skulu finnast

Ville Väyrynen, forseti í Norðurlandaráðnum, legði dent á týdningin av at fáa greiðu á, hvar samstarvið riggar, og hvar reglur ella praktiskar forðingar gera tað torførari at virka í felag.

Noreg hevur í ár formansskapin í norðurlendska verjusamstarvinum NORDEFCO, og norski verjumálaráðharrin, Tore O. Sandvik, setti fundin.

Royndirnar verða tiknar við í arbeiðið at dagføra ætlan Norðurlandaráðsins fyri samfelagstrygd. Ætlanin væntast samtykt á ársfundinum í Helsinki í oktober.

Kelda: Norðurlandaráðið.