Sandoy Hálvmarathon og Húsavíkar kommuna hava gjørt avtalu um, at Húsavíkar kommuna bjóðar øllum sínum borgarum at luttaka ókeypis til Sandoy Hálvmarathon 2027.
- Í komandi ár verður Sandoy Hálvmarathon hin 15 mai. Talan er um eitt tiltak, sum bæði er heilsugott, sosialt og savnandi, og her kunnu øll verða við.
Teinarnir til tiltakið í 2027 verða sum vanligt:
21,1 km: Sand-Søltuvík-runt Sandsvatn-Sand (ganga ella renna)
10,9 km: Sand- Søltuvík- Sand
6,8 km: Runt Sandsvatn
Fyriskipararnir siga, at á málinum verður undirhald fyri børnum og vaksnum alla dagin, eins og ábit og heiðursmerkir eru til øll sum luttaka.
- Í ár vóru fleiri enn 400 luttakarar, og vit vænta, at talið verður enn størri næsta ár.
Tilmelding fer fram á atgongumerki.fo
