Tað er opið hús í Bridgehúsinum í kvøld. B36 fegnast eftir stóra dramatikkin á Tórskvøldi í kvøld um sigurin í steypakappingini, eftir at tað fleiri ferðir stóð nógv á.
NSÍ legði seg á odda, men B36 javnaði til 1-1.
B36 misnýtti fyrst í brotssparkskappingini, men so misnýtti NSÍ eitt og so aftur eitt brotsspark, meðan teir í B36 skoraðu fýra ferðir og vunnu tískil samantalt 5-4.
Steypakapping snýr seg nógv um sigrar og søgu. Føroyska steypakappingin hevur verið síðani 1955, og hetta er sjeynda ferðin, at B36 er steypavinnari.
HB er suveranur søguligur steypavinnari við 28 finalusigrum. GÍ, KÍ og B36 høvdu undan dagsins finalu vunnið seks ferðir. Nú eigur B36 næstflest finalusigrar. B36 vann fyrstu ferð ísafjarðarsúluna í 1965, og síðani hevur B36 vunnið løgmanssteypið seks ferðir – í 1991, 2001, 2003, 2006, 2018 og so í 2021 – og harvið samantalt sjey ferðir.
