Reuters veit í dag at siga, at eitt russiskt hernaðarflog í dag helst hevur gjørt seg inn á finskt loftrúm.
- Vit taka illgrunan í størsta álvara og hava beinanvegin sett í verk eina kanning.
Tað sigur finski verjumálaráðharrin, Antti Hakanen.
Sagt verður, at russiska flogfarið helst hevur verið hálvan triðja kilometur inni í finskum loftrúmi har eysturi í Finsku Víkini.
Russiska hernaðarflogfarið skal hava verið í finskum loftrúmi í tilsamans tveir minuttir.
Seinast, Russland gjørdi seg inn á finsk loftrúm, var í august í 2022, veit finska ríkisútvarpið at siga.
Tá flugu tvey russisk jagaraflogfør yvir Finsku Víkini, og tá var Finnland ikki limur í Nato, sum landið er í dag.
