Umstríddi fótbóltsspælarin, Mason Greenwood, er nú seldur til franska Marseille fyri 225 milliónir krónur. Hann bleiv útihýstur úr Manchester United og hevur seinasta kappingarárið verið útleigaður til Getafe í Spania.
22 ára gamli fyrrverandi Manchester United spælarin kom í andglettin, tá bretska ákæruvaldið ákærdi Mason Greenwood fyri at royna neyðtøku, harðskap og atferð við tí fyri eyga, at hava tamarhald á einum persóni. Málið bleiv seinni slept millum annað tí Harriet Robson trekti sínar ákærur aftur. Mason Greenwood og Harriet Robson hava síðani fingið barn saman.
Tað hava verið atfinningarsamar røddir frammi úr Marseille, ið ikki vilja hava spælaran til felagið, og tað eru tey, sum halda at Manchester United skal lata yvirskotið av søluni fara til hjálparfelagsskarpir.
Tað er lítið skrivað og sagt um viðurskiftini í samband við søluna, men tann víðagitni fótbóltsskrivarin, Fabrizio Romano, sigur at prísurin er 225 milliónir krónur, umframt at Manchester United eigur rætt til hemingin av eini víðari sølu. Sáttmálin er galdandi fyri fimm ár.
