Upptakt: Neymar verður við móti Kroatia

HM 2022: Í dag klokkan 15 verður fyrsta fjórðingsfinalan í HM-endaspælinum í Katar

Í dag klokkan 15 verður fyrsta fjórðingsfinalan í HM-endaspælinum í Katar, sum er í millum Brasil og Kroatia. Brasil er stórfavorittur, men Kroatia var í HM-finaluni so seint sum í 2018.

 

Hetta er fimtu ferð, at Brasil og Kroatia møtast. Brasil hevur vunnið tríggjar ferðir, meðan ein dystur er endaður við javnleiki. Tveir av dystunum hava verið til HM-endaspøl, og báðu ferðirnar hevur Brasil vunnið.

 

Fyri Kroatia kemur tað illa við, at Josip Stanisic er skaddur. Hartil skulu spælarar sum Luka Modric, Barisic, Mateo Kovacic og Dejan Lovren eitt gult kort frá at fáa leikbann til eina møguliga hálvfinalu.

 

Skaðar hava eisini rakt hópin hjá Brasil. Gabriel Jesus og Alex Telles eru ikki við í hópinum longur, tí teir hava skaðar. Alex Sandro hevur eisini ein snudd, men vónar at spæla. Í hansara stað á bakkinum spældi Eder Militao.

 

Størsta gleðin er tó, at Neymar enn er tøkur. Hann sat yvir ein part av bólkaspælinum við trupulleikum í øklunum, men var aftur klárur til 1/8 finaluna móti Suðurkorea. Hann verður eisini við í dag.

 

Eder Militao, Fred og Bruno Guimaraes eru eitt gult kort frá leikbanni til eina møguliga hálvfinalu. Dysturin verður á Education City leikvøllinum og dómari verður enski Michael Oliver.

 

Kroatia – Brasil (15.00)

 

Væntaðar uppstillingar og liðtíðindi:

 

Kroatia (4-3-3): 1. Livakovic — 22. Juranovic, 6. Lovren, 20. Gvardiol, 19. Sosa — 10. Modric, 11. Brozovic, 8. Kovacic — 9. Kramaric, 16. Petkovic, 4. Perisic.

 

Skaddir: : Josip Stanisic, Borna Sosa

 

Leikbann: Ongin

 

Brasil (4-2-3-1): 1. Alisson — 14. Militao, 4. Marquinhos, 3. Silva, 2. Danilo — 7. Paqueta, 5. Casemiro — 11. Raphinha, 10. Neymar, 20. Vinicius — 9. Richarlison.

 

Skaddir: Gabriel Jesus, Alex Telles, Alex Sandro

 

Leikbann: Ongin