Tað hevur gingist væl hjá landsliðsmálverjanum, Mattiasi H. Lamhauge og liðfeløgunum í Strømsgodset í næstbestu norsku fótbóltsdeildini.

Men í dag var Mattias vrakaður, og 21 ára gamli, Simo Lampinen-Skaug, ið bæði hevur norskan og finskan ríkisborgararætt vardi málið, tá Strømsgodset á útivølli vann 2-0 (1-0) á Raufoss.

Ikki júst tann upptaktin Mattias og landsliðið høvdu brúk fyri undan teimum fýra Nations League dystunum móti Kasakstan, Moldova og Slovakia.

Strømsgodset er triðfremst í deildini við 48 stigum. Haugesund er fremst við 52 stigum.

Gullbrandur í Horni Øregaard var aftur liðskipari, og Olaf Bárðarson var á vøllinum seinasta hálva tíman, tá Sandnes ULF á Øster Hus Arena tapti 1-2 fyri Moss.

Andreas Rosendal Nyhagen legði Sandnes á odda beint undan steðginum, men seinasta korterið søkti útiliðið Sandnes við tveimum málum.

Sandnes ULF er fjórðaftast í deildini við 24 stigum. Teir eru fimm stig omanfyri næstaftasta plássið, ið merkir beinleiðis niðurflyting til triðbestu deildina.