Fimm bilførarar fingu klipp, tá løgreglan mátaði ferðina við lasara Millum Fjarða. Teir koyrdu millum 107 og 111 kilometrar um tíman.

Í Fuglafirði varð ein bilførari mátaður at koyra 107 kilometrar um tíman. Í Søldarfirði koyrdi ein bilførari 82 kilometrar um tíman, har hámarksferðin er 60.

Á Søldarfjarðarleiðini fekk ein bilførari eisini klipp fyri at tosa í fartelefon undir koyring. Vaktleiðarin sigur, at løgreglan hevur havt eyguni eyka við fartelefonnýtslu í sambandi við átakið saman við Ráðnum fyri Ferðslutrygd, »Koyr bil, tá tú koyrir bil«.

Annars var friðarligt hjá løgregluni í nátt.