Í kvøld var ein dystur leiktur í innleiðandi bólki 2 í Faxe Kondi kappingini hjá monnum.
Í høllini í Kollafirði vann KÍF stórsigur 40-19 á H71 2. Í steðginum var støðan 20-9.
Við átta málum var Victor K. Thomadsen toppskjútti hjá KÍF. Yngri bróðir Ísak Vedelsbøl, 17 ára gamli Silas Vedelsbøl var toppskjútti hjá H71 við seks málum.
Kyndil hevur tvey stig fyri ein dyst, meðan KÍF hevur tvey stig fyri tveir dystir. Team Klaksvík, StíF og H71 hava einki stig.
Í annaðkvøld klokkan 18 tekur Kyndil móti StÍF í høllini á Hálsi Suður.
HER ber til frá HSF at síggja dómaraseðilin frá dystinum millum KÍF og H71 2:
-
©
