Fólkatalið í Føroyum vaks við 881 fólkum, ella 1,6 prosentum, frá 1. oktober 2025 til 1. oktober 2026. Sambært Hagstovuni eru seks ár liðin, síðani fólkatalið seinast vaks so nógv.
699 fleiri fluttu til Føroya enn úr Føroyum. Samstundis vórðu 182 fleiri fødd enn deyð. Burðaravlopið broyttist lítið, meðan nettoflytingin vaks, tí bæði fleiri fluttu til Føroya og færri fluttu av landinum.
Tórshavnar kommuna vaks mest í tali og fekk 364 fleiri íbúgvar. Næst komu Runavíkar kommuna við 155 og Sjóvar kommuna við 97. Á Strondum búðu 1.194 fólk, 96 fleiri enn árið fyri.
Størsta minkingin var í Tvøroyrar kommunu, har fólkatalið minkaði við 35. Í Vágs kommunu búðu 27 færri enn árið fyri.
