B36 skrivar soleiðis í kvøld:

Andreas Patz er settur sum høvuðsvenjari hjá besta mansliðnum komandi tvey árini.

Hann er 43 ára gamal og ættaður úr Týsklandi og eysturtýska býnum Bad Salzungen.

- Eg eri sera errin av at gerast partur av B36-familjuni, og saman fara vit undir ein nýggjan kapittul í søgu felagsins, sigur hann.

Andreas hevur fjølbroyttar royndir í venjarayrkinum.

Undan summarsteðginum í ár var hann hjálparvenjari í belgiska Anderlecht. Í fjør var hann venjari í SSV Jahn Regensburg, sum tá spældi í týsku Bundesliga 2, ið er næstbesta deildin í Týsklandi.

Hann hevur eisini royndir sum hjálparvenjari í belgiska Cercle Brugge, høvuðsvenjari í týska Carl Zeiss Jena og sum greinari á ungarska landsliðnum.

Herzlich willkommen, Andreas!