Tað er sera tætt í botninum í bestu kasakisku fótbóltsdeildini.

Aftasta liðið hevur 23 stig, meðan liðið hjá Jóannesi Bjartalíð, FC Kyzylzhar hevur 27 stig á ellinta - og sættaftasta - plássinum.

Fyrr í dag vann FC Kyzylzhar á útivølli ein sera týdningarmiklan 2-0 sigur á Ertis Povladar.

Aibol Abiken fekk Kyzylzhar á sigurskós longu í níggjunda minutti. Tá 71 minuttir vóru leiktir staðfesti Liridon Latifi sigurin við einum brotssparksmáli.

Undan dagsins dysti hevði FC Kyzylzhar í seks dystum bert knógvað tvey stig, so sigurin í dag kom á eitt turt stað.

Jóannes spældi allan dystin.

FC Kyzylzhar hevur tríggjar dystir eftir at leika. Komandi leygardag klokkan 11 spæla teir dyst á útivølli móti Okzhetpes.