Føroyska U17-kvinnulandsliðið tekur í hesum døgum lut í einari undankapping í ligu B, har baltisku londini, Estland, Litava og Lettland eru mótstøðuliðini.

Føroyar taptu í dag 0-1 fyri Litava, ið skoraði sigursmálið í 80. minutti.

Mikudagin taptu Føroyar 1-3 fyri Estlandi. Sára Vang Justinussen skoraði føroyska málið miðskeiðis í seinna hálvleiki, og minkaði tá um munin til 1-2.

Týsdagin klokkan 12 spæla Føroyar triðja og seinasta dystin. Dysturin verður móti Lettlandi.

Støðan í bólki 3 er, at Lettland og Litava hava fýra stig hvør. Estland hevur trý stig, meðan Føroyar hava fyrsta stigið til góðar í kappingini.