Eftir at hava minkað á hvørjum ári síðani 2019 vuksu inntøkurnar frá skrásetingargjaldi á motorakfør við 82,5 prosentum í fjør.

Tað vísa nýggj tøl hjá Hagstovu Føroya. Hagstovan metir, at vøksturin helst stendst av, at elbilar frá 2025 skuldu rinda hægri skrásetingargjald.

Eisini inntøkurnar frá brennioljugjaldi vuksu munandi. Her var orsøkin, at avgjaldið fyri hvønn litur varð hækkað í byrjanini av árinum.

Hóast hesar hækkingarnar minkaðu samlaðu inntøkurnar frá avgjøldum. Minni kom inn frá størstu avgjaldspostunum, millum annað meirvirðisgjaldi og tøkugjaldi á alivinnu.

Samlaðu almennu inntøkurnar frá skattum og sosialum gjøldum vóru 12,1 milliardir krónur í 2025. Tað vóru 414,5 milliónir krónur meira enn í 2024, svarandi til ein vøkstur á 3,5 prosent.

Kelda: Hagstova Føroya.