Chelsea-málverjin Emiliano Martinez breyt kjálkabeinið, tá hann í gjár stoytti saman við Jarrad Branthwaite í Premier League-dystinum móti Everton.

Tað upplýsir Chelsea á heimasíðu síni í dag, skrivar Ritzau.

Argentinski málverjin hevur verið undir skurði fyri brotið, upplýsir felagið.

Samanbresturin hendi, tá seinni hálvleikur var gott og væl hálvrunnin. Martinez lá púra stillur á vøllinum, og dysturin varð steðgaður í umleið tíggju minuttir, meðan hann fekk hjálp.

Hann varð síðan borin av vøllinum á børu.

Enski verjuleikarin Jarrad Branthwaite var førur fyri at spæla víðari.