Hondbóltsútisetarnir á manssíðuni hava skotið fitt av málum í dag í Danmark, Noregi og Íslandi.

Í dag var føroyingauppgerð og oddauppgerð úti í Heimaey millum liðið hjá Dánjal Ragnarssyni, ÍBV og liðið hjá Nicholas Satchwell, Allani Norðfoss og Pæturi Mikkjalsson, KA.

Tað gjørdust Dánjal og eyjamenn sum vunnu uppgerðina 35-31. ÍBV legði góðan botn í fyrra hálvleiki. Í steðginum var ÍBV á odda 17-12.

Dánjal Ragnarsson skoraði eitt mál fyri ÍBV í dag.

Pætur Mikkjalsson hevði eitt framúr gott avrik hjá KA, og hann gjørdist toppskjútti við níggju málum. Allan Norðberg skoraði eitt mál fyri KA.

Nicholas Satchwell hevði fimm bjargingar fyri KA í dag.

Í annaðkvøld klokkan 19 spælir liðið hjá Vilhelm Poulsen og Rógva Dal-Christiansen, Fram móti Grótta á útivølli. 

Komandi sunnudag spælir KA móti Stjørnuni á útivølli. Sama kvøld spælir ÍBV útidyst móti Vali. 

##med2##