- Í september luttók Eysturkommuna á Seatrade Cruise Med í Las Palmas, sum er ein av stóru altjóða messunum innan cruisevinnuna.
Í Eysturkommunu vísa tey á, at endamálið við luttøkuni var at gera kommununa sjónligari sum cruise-mál fyri smærri ferðamanna- og ekspeditiónsskip.
- Endamálið var eisini at vísa fram lokalu upplivingarnar og ferðavinnutilboðini, sum økið hevur at bjóða.
Á messuni fingu umboð fyri Eysturkommunu møguleika at hitta fleiri cruise-reiðaríir og aðrar aktørar í vinnuni.
- Samstundis gav luttøkan størri innlit í, hvussu smærri ferðamál arbeiða við cruisevinnu.
Víst verður á, at endamálið við cruisevinnuni í Eysturkommunu er at menna og stýra henni á ein slíkan hátt, at hon hóskar til smáu bygdirnar.
- Henda vinna skal eisini vera sosialt og náttúrufrøðiliga burðardygg - við færri og smærri skipum og við lokalari luttøku av móttøkuni av gestum.
Hetta siga tey í Eysturkommunu í dag.
