Í nátt hevur eisini leikað á millum stríðandi partarnar.

Eitt fólk hevur latið lív, og tvey eru særd í einum rusiskum álopi á ukrainska høvuðsstaðin, Kyiv.

Tað upplýsa lokalir myndugleikar í høvuðsstaðnum sambært Reuters. Sagt verður, at russiska álopið rakti enn einaferð ein íbúðarbygning, nærindis einari kirkju.

Í russiska verjumálaráðnum verður sagt, at álopið á Kyiv í nátt varð vent móti streymveitingunum í býnum.

Hetta veit russiska tíðindastovan, Interfax, at siga.

Borgarstjórin í Kyiv, Vitalij Klitsjko, sigur, at annan dagin á rað hava russiskar dronur eisini rakt eina brúgv, sum gongur um ánna, Dnipro, sum eisini gongur ígjøgnum ukrainska høvuðsstaðin.

Eftir brúnni gongur bæði bilaferðsla og metro'ir.

Ukraina hevur í nátt lopið á russiska býin, Volgograd, har eitt stórt oljureinsiverk er, og sambært russiska guvernørinum í økinum, Andrei Bocharov, var málið hjá Ukraina at raka russiskan ídnað.

Guvernørurin sigur sambært Reuters, at ukrainska dronuálopið eisini festi í ein íbúðarbygning í økinum, og tvey fólk fingu løstir í álopinum.