Onkuntíð verður tosað um, at tað ber til at arva løgtingssessir. Í orðsins rætta týdningi ber tað sjálvandi ikki til, men í fluttari merking ber væl til.
Í nývalda løgtinginum sita 7 fólk, sum hava havt nærstandandi familjulimir í tinginum – og fleiri eru beint uttan fyri tinggáttina.
Fyrstvaldi á fólkaflokslistanum, Beinir Johannesen, er abbasonur Vilhelm Johannesen, sum var løgtingsmaður frá 1980-2008. Hann er eisini bróðirsonur Aksel V. Johannsen, løgmann og formann Javnaðarfloksins.
Í Sambandsflokkinum er eingin, sum í beinari linju eru undan løgtingslimi. Men Agnar Nielsen í Vestmanna, sum umboðaði Sambandsflokkin á tingi frá 1970 til 1990 er abbabeiggi Bárð Nielsen.
Aksel V. Johannesen í Javnaðarflokkinum er sonur Vilhelm Johannesen, sum soleiðis hevur tveir beinleiðis eftirkomarar á tingi.
Ingilín D. Strøm er dóttir Hans Paula Strøm, sum var løgtingsmaður frá 1998-2002 og frá 2008-2011. Hann var eisini landsstýrismaður frá 2004 til 2009.
Nývaldi Djóni Nolsøe Joensen í Javnaðarflokkinum er abbasonur Dion Nolsøe í Vági, sum var valdur á ting fyri Javnaðarflokkin í Suðuroyar valdømi í 1958 og sat fram til 1970 - síðsta skeiðið sum varamaður fyri Petur Mohr Dam.
Í Tjóðveldi er Høgni Hoydal abbasonur Karsten Hoydal, sum var landsstýrismaður frá 1962-1966 og løgtingsmaður frá 1966 til 1970.
Kristina Háfoss í Tjóðveldi er abbadóttir Louis Zachariassen, løgtingsmann fyri Sjálvstýrisflokkin frá 1940-1943 og frá 1946-1950 og sum eisini var landsstýrismaður í fyrsta landsstýrinum frá 1948-1950. Nevnast kann, at Louis Zachariasen varð valdur á javnaðarlistanum í 1946. Sjálvstýrisflokkurin hevði ikki umboð á tingi og stillaði tí upp á Javnaðarlistanum. Eftir valið boðaðu brøðurnir, Louis og Símin Petur Zachariasen frá, at teir nú umboðaðu Sjálvstýrisflokkin.
Annika Olsen, sum stendur til at koma á ting sum varafólk, um Fólkaflokkurin kemur í landsstýrið, er eisini politikarabarn. Pápi hennara, Jákup Olsen, var løgtingsmaður fyri Kristiliga Fólkaflokkin frá 1994-1998. So kunnu vit eisini nevna, at Jaspur Langgaard, sum stendur til at koma á ting sum varamaður fyri Sambandsflokkin er bróðir Reimund Langgaard, sum sat sum varamaður fyri Sambandsflokkin frá 2011-2015. Og Uni Rasmussen í Fólkaflokkinum er bróðir Joen Magnus Rasmussen, sum sat sum varamaður fyri Anniku Olsen seinasta valskeið. Av teimum, sum ikki vórðu afturvald er Rigmor Dam, sum er abbadóttir Petur Mohr Dam, sum sat á tingi frá 1928-1968 og sum var løgmaður frá 1959-63 og frá 1966-68. Tað er Helena Dam á Neystabø, sum ikki stillaði uppaftur, eisini. Sjúrður Skaale, abbasonur Sigfred Skaale, sum var løgtingsmaður fyri Fólkaflokkin frá 1962-66 og 1970-74. Og Katrin Kallsberg úr Tjóðveldi er bróðirdóttir Anfinn Kallsberg, sum var tingmaður frá 1980-2011 og løgmaður frá 1998-2004.
Í nývalda løgtinginum sita 7 fólk, sum hava havt nærstandandi familjulimir í tinginum – og fleiri eru beint uttan fyri tinggáttina.
Fyrstvaldi á fólkaflokslistanum, Beinir Johannesen, er abbasonur Vilhelm Johannesen, sum var løgtingsmaður frá 1980-2008. Hann er eisini bróðirsonur Aksel V. Johannsen, løgmann og formann Javnaðarfloksins.
Í Sambandsflokkinum er eingin, sum í beinari linju eru undan løgtingslimi. Men Agnar Nielsen í Vestmanna, sum umboðaði Sambandsflokkin á tingi frá 1970 til 1990 er abbabeiggi Bárð Nielsen.
Aksel V. Johannesen í Javnaðarflokkinum er sonur Vilhelm Johannesen, sum soleiðis hevur tveir beinleiðis eftirkomarar á tingi.
Ingilín D. Strøm er dóttir Hans Paula Strøm, sum var løgtingsmaður frá 1998-2002 og frá 2008-2011. Hann var eisini landsstýrismaður frá 2004 til 2009.
Nývaldi Djóni Nolsøe Joensen í Javnaðarflokkinum er abbasonur Dion Nolsøe í Vági, sum var valdur á ting fyri Javnaðarflokkin í Suðuroyar valdømi í 1958 og sat fram til 1970 - síðsta skeiðið sum varamaður fyri Petur Mohr Dam.
Í Tjóðveldi er Høgni Hoydal abbasonur Karsten Hoydal, sum var landsstýrismaður frá 1962-1966 og løgtingsmaður frá 1966 til 1970.
Kristina Háfoss í Tjóðveldi er abbadóttir Louis Zachariassen, løgtingsmann fyri Sjálvstýrisflokkin frá 1940-1943 og frá 1946-1950 og sum eisini var landsstýrismaður í fyrsta landsstýrinum frá 1948-1950. Nevnast kann, at Louis Zachariasen varð valdur á javnaðarlistanum í 1946. Sjálvstýrisflokkurin hevði ikki umboð á tingi og stillaði tí upp á Javnaðarlistanum. Eftir valið boðaðu brøðurnir, Louis og Símin Petur Zachariasen frá, at teir nú umboðaðu Sjálvstýrisflokkin.
Annika Olsen, sum stendur til at koma á ting sum varafólk, um Fólkaflokkurin kemur í landsstýrið, er eisini politikarabarn. Pápi hennara, Jákup Olsen, var løgtingsmaður fyri Kristiliga Fólkaflokkin frá 1994-1998. So kunnu vit eisini nevna, at Jaspur Langgaard, sum stendur til at koma á ting sum varamaður fyri Sambandsflokkin er bróðir Reimund Langgaard, sum sat sum varamaður fyri Sambandsflokkin frá 2011-2015. Og Uni Rasmussen í Fólkaflokkinum er bróðir Joen Magnus Rasmussen, sum sat sum varamaður fyri Anniku Olsen seinasta valskeið. Av teimum, sum ikki vórðu afturvald er Rigmor Dam, sum er abbadóttir Petur Mohr Dam, sum sat á tingi frá 1928-1968 og sum var løgmaður frá 1959-63 og frá 1966-68. Tað er Helena Dam á Neystabø, sum ikki stillaði uppaftur, eisini. Sjúrður Skaale, abbasonur Sigfred Skaale, sum var løgtingsmaður fyri Fólkaflokkin frá 1962-66 og 1970-74. Og Katrin Kallsberg úr Tjóðveldi er bróðirdóttir Anfinn Kallsberg, sum var tingmaður frá 1980-2011 og løgmaður frá 1998-2004.
