32 ára gamla Marie-Louise Eta hevur skrivað fótbóltssøgu í Týsklandi.
Hon hevur tikið við starvinum sum hjálparvenjari hjá bundesliga-liðnum, Union Berlin, og er harvið fyrsta kvinnan sum gerst hjálparvenjari í bestu fótbóltsdeildini hjá monnum í Týsklandi.
Marie-Louise Eta spældu sjálv í bestu kvinnudeildini í Týsklandi og vann týska meistaraheitið við Turbine Potsdam í 2010.
Marie-Louise Eta fær sín fyrsta dyst sum hjálparvenjari í bundesliguni leygardagin 25. november, tá Union Berlin spælir móti Augsburg.
Union Berlin hevur tapt níggju dystir á rað og liggur aftast í bundesliguni við bert seks stigum.
Farna kappingarár stóð Union Berlin seg sera væl og megnaði at vinna seg í Champions League bólkaspælið.
