Vøllurin hevur verið nógv brúktur, og seinastu árini hava fleiri trupulleikar verið við graslíkinum.

Nú er støðan vorðin so mikið ring, at vøllurin ikki kann brúkast til dystir í fremstu fótbóltsdeildunum.

Millum annað hava dystir hjá HB og B36 verið fluttir á Tórsvøll.

Tórshavnar kommuna sigur, at tað er neyðugt at fáa vøllin í góðan stand aftur.

Mánakvøldið var fundur millum kommununa og fótbóltsfeløgini HB og B36, har greitt varð frá ætlanini.

Kommunan ætlar at skifta graslíkið á vári 2027.

Peningur er settur av í uppskotinum til fíggjarætlanina, men endaliga fíggjarliga játtanin er ikki samtykt enn.

Ovari Vøllur hevur eisini áður havt stórar trupulleikar við graslíkinum, og í 2021 varð neyðugt at leggja nýtt graslíki á vøllin umaftur.

Tað upplýsir Tórshavnar kommuna.