Sunnudagin hin 15. november frá klokkan 14-18 verður Brandstøðin í Leirvík aftur karmur um ein hugnaligan jólamarknað fyri alla familjuna.

- Á jólamarknaðinum verða umleið 20 sølubásar við alskyns spennandi lutum til sølu, og harumframt verður nógv annað hugnaligt á skránni.

Á heimasíðuni hjá Eysturkommunu verður sagt, at her verður okkurt fyri bæði stór og smá.

- Eitt nú kunnu børnini fara ein ókeypis túr við brandbilinum ella hugna sær í teknikrókinum. Eisini verður møguligt at keypa kramarís, slush ice og poppkorn.

Á skránni verður eisini felags jólasangur, listaframsýning og kafé, har til ber at seta seg niður við einum góðum kaffimunni og njóta jólastemningin.

Sagt verður, at endamálið við tiltakinum er at geva fólki høvi at selja síni kreativu verk - og at savna fólk til felags jólahugna.

- Hetta verður eisini eitt gott høvi at finna serstøku jólagávuna – gávuna, sum er gjørd við nærleika og kærleika - kanska frá einum, tú kennir.

Og í Eysturkommunu leggja tey aftrat:

- Vit vóna, at nógv vilja leggja leiðina framvið Brandstøðini sunnudagin 15 november og soleiðis verða við til at skapa ein góðan og hugnaligan dag saman.

Øll eru hjartaliga vælkomin til tiltakið á Brandstøðini í Leirvík.