Í góðveðrinum fyrrapartin var sum altíð stórur áhugi fyri grønmetinum av Sandi.

Her var tað Uttastovugarður í Tøðum á Sandi, sum var á marknaðarplássinum í Vágsbotni við ymiskum grønmeti.

Jónhild Jacobsen, sum seldi fyri garðin í dag, hevði í løtum úr at gera, og millum viðskiftafólkini var eisini høvuðskokkurin á Ræst.

Høvuðskokkur er Sebastian Jiminez úr Meksiko, og hann var hugtikin av góðu og frísku grøðini.

Jónhild Jacobsen greiddi honum frá um grøðina og um nýggju røturnar, sum tey hava á Sandafløtti.

Uttastovugarður plagar at selja í Vágsbotni fríggjadagar, og síðan plagar Miðstovugarður at selja mikudagar.

Báðir garðarnir í Trøðum á Sandi hava nógva og góða grøði, og teir eru helst størstu grøðisbøndur í Føroyum.