Á Fiskamarknaði Føroya vita tey í dag at siga, at seks partrolarapør eru til fiskiskap í løtuni, og skipini koma inn at landa, sum næsta vika gongur.

- Partrolararnir hava smáligan fiskiskap, verður lagt aftrat.

Um djúpvatnstrolararnar verður sagt, at tríggir ísfiskatrolarar eru á Íslandsrygginum og fiska tosk.

- Djúpvatnstrolararnir hava smáligan fiskiskap, men væntandi koma allir inn at landa síðst í næstu viku.

Ein ísfiskatrolari fiskar svartkalva, og ein frystitrolari er eisini til fiskiskap.

- Í løtuni liggja allir teir smáu trolbátarnir, og ivasamt er, um nakar fer út í vikuni.

Um garnaskipini verður sagt, at trý fiska svartkalva, og væntandi koma allir inn at landa í næstu viku.

- Garnaskipini hava brúkiligan fiskiskap, siga tey á Fiskamarknaði Føroya í dag.