Tíðliga seinnapartin spældi liðið hjá landsliðsmálverjanum, Anniku Fríðheim Petersen, Gniezno dyst á útivølli í bestu pólsku hondbóltsdeildini, har Kobierzyce var mótstøðuliðið.

Tað eydnaðist Gniezno at vinna 27-24 á Kobierzyce. Serliga lá væl fyri hjá Gniezno í fyrra hálvleiki, og í steðginum var Gniezno á odda 15-10.

Annika bjargaði trimum av 10 málroyndum. Kappingarneytin, Aleksandra Hypka bjargaði níggju av 25 málroyndum.

Gniezno er nummar fimm í deildini við 15 stigum.

Komandi leygardag klokan 17 hevur Gniezno dyst á heimavølli móti botnproppinum, Sasnica.