Gylta Djurhuus á Neystabø vardi málið hjá Skuru allan dystin, tá tær á heimavølli tóku móti Helsingborg í bestu svensku hondbóltsdeildini.

Tá ein minuttur var eftir av dystinum legði Alexandra Bjärrenholt Skuru á odda 28-27, men tað gekk púra galið seinasta hjá Skuru seinastu løtuna. 30 sekund vóru eftir av dystinum tá Helsingborg javnaði til 28-28. Tað gingu tó bert 13 sekund, so hevði Skuru fingið tillutað brotskast. Men málverjin hjá Helsingborg bjargaði royndini hjá Emmu Aarnio, og tá bert fýra sekund vóru eftir skoraði Zoe Afram sigursmálið hjá Helsingborg.

Gylta bjargaði í dag 24 prosent av málroyndunum.

Fyri Skuru var talan um annað tapið á rað, og eru tær nummar sjey í deildini við seks stigum.

Týskvøldið 17. november klokkan 18 hevur Skuru dyst á útivølli móti Skara, ið er næstfremst í deildini við 10 stigum.