Landsliðsmálverjin, Aleksandar "Sasja" Lacok og liðfelagarnir í TSV St. Otmar St. Gallen vunnu seg mikukvøldið víðari til áttandapartsfinalurnar í sveisisku steypakappingini.
Á útivølli vann St. Gallen, ið spælir í bestu sveisisku deildini 35-30 á Espoirs, ið spælir í næstbestu deildini. Í steðginum var St. Gallen á odda 19-14.
Sasja slapp framat at verja málið, men hann hevði tíverri onga bjarging av 12 málroyndum ta tíðina hann vardi málið. Kappingarneytin, Andreas Björkman bjargaði seks av 22 málroyndum.
Leygardagin klokkan 17 spælir St. Gallen aftur dyst í bestu sveisisku deildini. Tá verður talan um dyst á útivølli móti Kriens.
