Í løtuni er Andreas Björkman fyrsti málverjin hjá sveisiska liðnum, TSV St. Otmar St. Gallen.
Men Alaksandar "Sasja" Lacok slapp upp í part, tá St. Gallen á útivølli vann áttandapartsfinalu í sveisisku steypakappingini.
Tað eydnaðist St. Gallen at vinna 39-35 á Basel. Í steðginum var St. Gallen á odda 22-16.
Sasja bjargaði trimum av níggju málroyndum ta løtuna hann fekk møguleikan í dystinum.
Nú bíða EM-undankappingardystir hjá Føroyum hjá Sasja. Fyrst fyri er Kosovo í høllini við Tjarnir, ið verður leiktur mikukvøldið klokkan 19.
