Ein meiriluti í litaviska tjóðartinginum er nú fyri at beina burtur forboðið móti kjarnorku á litaviskari jørð.

Atkvøtt hevur nevniliga verið um at strika forboðið móti kjarnorku í landsins grundlóg.

Fyrsta atkvøðugreiðslan hevur verið, og her var ein meiriluti fyri at strika forboðið, veit tíðindastovan, Reuters, at siga.

Tvær atkvøðugreiðslur skulu til fyri, at avgerðin hjá litaviska tjóðartinginum kann verða galdandi.

Í Litava verður sagt, at ætlanin við grundlógarbroytingini er at styrkja landsins trygd.

Dronuávaringar hava fleiri ferðir verið í Litava, síðan Russland leyp á Ukraina í februar í 2022.

Flogferðslan í høvuðsstaðnum, Vilnius, hevur eisini verið órógvað av dronum í litaviskum loftrúmi.