Seinnapartin í dag var móttøka á Hamragarði í Vági, og høvið var, at Anna Djurhuus fer frá sum leiðari fyri Bú- og heimatænastuna í Suðuroynni. Tað er Hanus Toftheyggj, ið tekur við sum leiðari.

Sera nógv fólk var komið saman, tá Kristin Michelsen vegna stýrið fyri Bú- og heimatænastuna, beyð øllum vælkomunum, áðrenn hann takkaði farandi leiðaranum og heilsaði nýggja leiðaranum vælkomnum í starvið.

Móttøkan á Hamragarði í dag var frá kl. 16 til 18, og tað er ikki ov nógv sagt, at fullsett var í rúmligu hølunum á Hamragarði.

Tróndur Enni og Lív Næs settu dám á løtuna við sangi og tónleiki.