Í allan gjár hava leysasøgur gingið um, at fleiri nýggir smittutilburðir eru staðfestir. Og tað hevur verið nakað um tað, tí nú í dag síggja vit á nýggjastu tølunum, at talið er farið úr sjey og upp í 23. Tað vil siga, at heili 16 nýggir smittutilburðir eru staðfestir í gjár. Hetta er størsta talið av staðfestum tilburðum í einum í longri tíð.
Landslæknn hevur verið alment frammi og greitt frá, at smittan er leys í Føroyum. Seint í gjárkvøldið kom Róðrarsambandið við fráboðan um, at korona er staðfest millum rógvarar og áskoðarar, sum hava luttikið á ódnartøkum í Runavík leygardagin 22. mai. Um hesi 16 eru partur av hesum, vita vit ikki.
Men sambært myndugleikunum eru øll hesi 16 fólkini í hvussu er partur av kendari smittuketu. Talan er um bretska fyribrigdið B.1.1.7.
619 kanningar vórðu gjørdar seinasta samdøgrið, og allar kanningarnar eru liðugt greinaðar. 16 nýggir tilburðir í 619 kanningum gevur eitt positivprosent, sum svarar til 2,6. Tilsamans eru nú gjørdar 264.101 kanningar.
