Umframt tey trý sita Martin Karl Olsen og Ása Olsen í stýrinum.

Stýrið hevur nú skipað seg av nýggjum við Jóhonnu Jancyardóttir sum forfólki og Martini Karl Olsen sum næstforfólki.

Í gjár vitjaði landsstýriskvinnan Dugna, har hon heilsaði upp á stýrið og ynskti limunum góðan arbeiðshug.

Dugni hevur ein týðandi leiklut í at hjálpa fólki at menna sínar arbeiðsførleikar og fáa ella varðveita tilknýtið til arbeiðsmarknaðin. Eg fegnist um, at stýrið er farið til verka, og síggi fram til, at tað saman við leiðsluni heldur fram at menna tilboð, sum geva fleiri fólkum møguleika at brúka sínar førleikar og gerast partur av arbeiðslívinum”, sigur Margit Stórá, landsstýriskvinna í almanna- og bústaðamálum.

Nýggju limirnir hava báðir drúgvar og viðkomandi royndir við sær í stýrisarbeiðið.

Jóhanna Jancyardóttir er eindarleiðari fyri eindina Børn og ung í Almannaverkinum. Hon er útbúgvin námsfrøðingur og hevur drúgvar royndir innan leiðslu, virknistænastur og sosiala økið.

Heri Reynheim er formaður í Havnar Arbeiðarafelag og hevur drúgvar royndir frá arbeiðsmarknaðinum og fakfelagsarbeiði.

Landsstýriskvinnan takkar samstundis fráfarandi stýrislimunum fyri teirra íkast og arbeiðssemi.