Tað váttar forsætisráðið fyri fleiri donskum miðlum.

Pápin skrivaði hósdagin eitt longri innlegg á Facebook, har hann krevur eina frágreiðing um, hví maðurin, sum varð dømdur fyri harðskapin, fekk eitt ára fongsulsrevsing og bann móti at fara í náttarlívið í eitt ár.

Pápin nevnir hendingina eitt morð.

Maðurin, sum varð dømdur, var ákærdur eftir vanligu harðskaparregluni og játtaði seg sekan.

Tá dómurin varð sagdur mikudagin, segði rættarformaðurin, at rætturin hevði lagt dent á bæði slagið av lógarbrotinum og umstøðurnar kring harðskapin.

Hendingin fór fram 30. juni klokkan 20.45. Dømdi maðurin fór upp á ein bonk og kastaði við kraft tvær øldósir móti einum bólki av fólki. Millum teirra var 32 ára gamli sviin.

Beint eftir kastaði maðurin seg yvir hann og sló hann hart vinstrumegin í høvdið ella nakkan.

Slagið elvdi millum annað til, at ein høvuðsæðr brast, og maðurin doyði tríggjar dagar seinni.

32 ára gamli maðurin arbeiddi hjá svensku løgregluni. Hann læt eftir seg foreldur, systkin, konu og tvær døtur.

Familjan vil hava eina frágreiðing

Pápin heldur, at dómurin er ov mildur, og hann vil nú hava forsætisráðfrúnna at greiða familjuni frá, hvussu slík revsing kann verða úrslitið, tá ein maður doyr av harðskapinum.

Mette Frederiksen hevur nú játtað at hitta hann.