Tá viðrisbrævamarknaðirnir í USA lótu upp í morgun fór partabrævið hjá Greenland Energy 127 prosent upp, meðan Greenland Mines hækkaði 136 prosent. Eisini Critical Metals Corp, sum vinnur sjáldsom ráevni í Grønlandi, hækkaði nógv – um 33 prosent.

Stóri áhugin verður settur í samband við væntanir um størri politiska og vinnuliga greiðu kring framtíðar ráevnisvinnu í Grønlandi.

– Áhugin fyri grønlendskum ráevnum er vaksandi. Kritisk ráevni hava avgerandi týdning fyri veitingartrygdina hjá Evropa og grøna orkuskiftið – frá vindmyllum og battaríum til verjutøkni og aðra strategiska tøkni, sigur Peter Thagesen, geopolitiskur stjóri í Dansk Industri, í einari viðmerking.

Hann heldur tí, at tað kann hava stóran týdning fyri íløguhugin, um avtalan millum Danmark, Grønland og USA gevur størri greiðu og støðufesti um, hvussu Grønland skal mennast komandi árini.

– Tað er ein týdningarmikil fortreyt fyri langtíðaríløgum og ábyrgdarfullari menning, sigur Peter Thagesen.

Stóru kurslopini vísa samstundis, hvussu nógv marknaðurin væntar sær av grønlendsku ráevnunum, nú USA, Danmark og Grønland hava fingið eina nýggja politiska rammu upp á pláss.

Kelda: Ritzau