Eftir russiska valið til Duma'ina, eru tað fleiri lond, sum fordøma, at Russland eisini hevur hildið val í hersettum ukrainskum landaøki.

Londini, sum fordøma valinum í hesum økjum, eru eitt nú Noregi, Avstralia, Kanada, Ný Sæland og Stórabretland.

Londini siga, at valið í ukrainsku landslutunum, Donetsk, Luhansk, Zaporizjzja og Kherson, er grovt brot á ukrainskt sjálvræði, eins og hetta er brot á ST-sáttmálan.

- Vit eggja altjóða samfelagnum til at vísa aftur russisku royndini at normalisera hertøkuna, og vit fordøma valinum í ukrainskum økjum.

Londini siga seg í tíðindaskrivi krevja, at tey, sum standa aftanfyri hesa avgerð, skulu ábyrgdast.

- Vit stuðla ukrainskum sjálvræði innan altjóða ásett mørk, og vit krevja, at Russland gevst við sínum álopskríggi móti Ukraina og gongur við til eina treytaleysa vápnahvíld.

Í tíðindaskrivi siga londini eisini, at landamørk skulu ikki broytst við hermegi.