Tingfundur verður í morgin 24. september klokkan 11. Fyrsta málið á skránni er atkvøðugreiðsla um uppskotið „Koppsetingar fyri Korona“.
Lesið eisini: Jenis krevur svar um koronukoppsetingar
Síðani verður triðja viðgerð av uppskoti um at broyta eftirlønarlógina. Uppskotið snýr seg um, at fólk, sum hava fingið tillutaða framskundaða pensjón ella fyritíðarpensjón, kunnu byrja at fáa útgoldið úr síni eftirlønarsamansparing, áðrenn tey røkka vanliga fólkapensjónsaldrinum.
Trý onnur mál skulu til fyrstu viðgerð: ársfrágreiðingin hjá Løgtingsins umboðsmanni fyri 2025, frágreiðingin um virksemið hjá Norðurlandaráðnum í 2025 og eitt uppskot um broyting í fosturtøkulógini.
Sambært dagsskránni verða málini um ársfrágreiðingina hjá umboðsmanninum og fosturtøkulógina beind í Rættarnevndina eftir fyrstu viðgerð. Málið um Norðurlandaráðið verður beint í Uttanlandsnevndina.
Kelda: Dagsskrá Løgtingsins
