Landsliðsmálverjin, Rakul Wardum hevur saman við liðfeløgunum í Skanderborg tapt átta av níggju dystum í bestu donsku hondbóltsdeildini.
Enn hevur ikki eydnast Skanderborg at fáa stig í einum heimadysti.
Í dag tapti føroyingaliðið í FREJA Arena í Skanderborg 25-28 fyri Horsens, ið var á odda 12-9 í steðginum.
Rakul bjargaði fimm av 20 málroyndum. Kappingarneytin, Else Bøg Hede bjargaði fýra av 17 málroyndum.
Skanderborg er næstaftast í deildini við bert tveimum stigum.
Fríggjakvøldið klokkan 18 hevur Skanderborg dyst á útivølli móti Silkeborg-Voel.
