Fyrrverandi danski landsliðsleikarin, Maria Fisker Stokholm (myndin) gekk aftur undan, tá EB vann annan dystin á rað í SMS-deildini.
Fyrr í dag vann EB í høllini við Streymin greiðan 26-19 sigur á Stjørnuni. Í steðginum var EB á odda 10-7.
Maria F. Stokholm var aftur toppskjútti hjá EB í dag. Hesaferð við átta málum. Toppskjúttin hjá Stjørnuni var eisini ein dani, Sarah Spangsmand Madsen. Hon skoraði somuleiðis átta mál.
H71 er fremst í SMS-deildini við seks stigum. VÍF, Stjørnan, Neistin og EB hava fýra stig hvør. Kyndil hevur tvey stig, og StÍF er aftast við ongum stigi.
