Mótavikan í París savnar bæði mótafólk og kend andlit. Sunnudagin 4. oktober var tað Lacoste, sum vísti sína nýggju kvinnukollektión til vár og summar 2027.

Amerikansku sjónleikararnir Adrien Brody og Uma Thurman og tennisstjørnan Venus Williams vóru millum gestirnar til sýningina. Eisini tennisspælarin Grigor Dimitrov og sjónleikarin Taylor Zakhar Perez sótu millum áskoðararnar.

Tá sýningin var liðug, gekk sniðgevin Pelagia Kolotouros fram og heilsaði gestunum, sum fagnaðu henni við lógvabrestum.

Á pallinum vóru millum annað klæði í sterkum gulum og grønum litum. Kanadiska modellin Agel Akol vísti ein grønan kjóla, meðan amerikanska modellin Ivy Stewart kom í klæðum við tennisbóltum og skrift á.

Í myndatemanum síggjast bæði kendu gestirnir og klæði frá sýningini hjá Lacoste.

Myndir: Kenzo Tribouillard/AFP/Ritzau Scanpix.